"Женоа" аутсайдерни йирик ҳисобда мағлуб этди, Шомуродов 61 дақиқа ўйнади.

Италия А Серияси 20-туридан ўрин олган "Кротоне" - "Женоа" баҳси ўз ниҳоясига етди. Ўйин ҳамюртимиз жамоасининг йирик ҳисобдаги ғалабаси билан якунланди. Маттиа Дестронинг дубли ҳамда Мартин-Чиборранинг голи "Женоа"га 0:3 ҳисобидаги ғалабани тақдим этди.

Ҳамюртимиз Элдор Шомуродов учрашувда 61 дақиқа ҳаракат қилганидан сўнг, Марко Пьяца билан алмаштирилди. Умуман олганда, у бугун ёмон ўйнамади. 1-голнинг урилишида унинг ҳиссаси юқори.

Ушбу ғалабадан сўнг, генуяликлар ўз очколари сонини 21 тага етказиб олган ҳолда 14-ўринга кўтарилиб олди. "Кротоне" эса 20-ўринда бормоқда.

• 90+4'
  

  Учрашув якунланди! "Женоа" меҳмонда аутсайдер "Кротоне"ни йирик ҳисобда мағлуб этди. Матнли трансляцияни Абдулла Маннонов олиб борди. Эътиборингиз учун раҳмат!

• 90+3'
  

  Мелегони бурчакдан тўпни ўйинга киритиб берди.

• 90+1'
  

  Аркадиуш Реца қўпол подкати учун сариқ карточка билан огоҳлантирилди.

• 90+'
  

  Учрашувга 3 дақиқа вақт қўшиб берилди.

• 89'
  

  "Кротоне" бурчакдан тўпни ўйинга киритиб берди, бироқ хавфли ҳужум юзага келмади.

• 88'

  "Кротоне" футболчиси тепган тўп Мартин Чиборрага тегиб майдонни тарк этди, бурчак тўпи.

• 85'
  

  "Кротоне" аъзоси Эдуардо Энрике сариқ карточка олди.

• 84'
  

  "Женоа" бурчакдан тўпни ўйинга киритиб беради.

• 83'

  "Женоа" ажойиб позицион ҳужум намойиш этмоқда. Жамоавий ўйин ажойиб. Бурчак зарбаси ҳам ишлаб олинди.

• 80'
  

  Мелегонининг ўзи бурчак тўпини ижро этади.

• 79'

  Филиппо Мелегони берган зарба ҳимоячилар томонидан майдон ташқарисига чиқариб юборилди.

• 74'

  Горан Пандевнинг жарима майдони ташқарисидан кучли зарба берди, бироқ унга аниқлик етишмади.

• 73'

  Гильоненинг жарима майдони ичига амалга оширган узатмасини ҳимоячилар узоқлаштирди, позицион ҳужум давом этмоқда.

• 72'
  

  "Женоа"да ҳам 2 ўзгариш: Дестро ўрнига Пандев, Заппакоста ўрнига Гильоне ўйинга қўшилди.

• 71'
  

  Заппакостада офсайд қайд этилди

• 70'
  

  "Кротоне"да навбатдаги ўзгариш: Лисандро Магальян ўрнига Коффи Жиджи ўйинга қўшилди.

• 69'
  

  "Кротоне"да ўзгариш: Занеллато ўрнига Эдуардо Энрике ўйинга қўшилди.

• 67'
  

  Тўп яна бурчакка чиқариб юборилди. Давиде Заппакоста уни яна бир бор ижро этади.

• 66'
  

  Давиде Заппакостанинг ўзи бурчакдан тўпни ўйинга киритиб беради.

• 65'

  Заппакостанинг самарали уринишлари оқибатида бурчак тўпи ишлаб олинди.

• 63'
  

  "Женоа" бурчак тўпидан хавфли вазият ҳосил қила олмади.

• 62'
  

  2-ўзгариш: Миха Зайц ўрнига Филиппо Мелегони ўйинга қўшилди.

• 61'
  

  Ўзгариш: ҳамюртимиз Элдор Шомуродов ўрнига Марко Пьяца ўйинга қўшилди.

• 60'
  

  Элдор Шомуродов офсайдда қолиб кетди.

• 59'
  

  Бурчакдан узатилган тўп ҳимоячилар томонидан узоқлаштирилди.

• 58'

  Элдор Шомуродов жарима майдони чизиғи устида тўпни қабул қилиб олди ва бир амаллаб тўпни дарвозага йўналтирди! Тўп рикошетдан сўнг майдон ташқарисига чиқиб кетди! Бурчак тўпи.

• 57'
  

  "Кротоне"да ўзгариш: Ди Кармине ўрнига Эммануель Ривьер ўйинга қўшилди.

• 55'
  

  "Женоа" футболчилари бурчакдан тўпни ўйинга киритиб беради.

• 54'

  "Женоа" тўп назоратига эътибор қарата бошлади.

• 51'
  

  ГОООООООООООООООЛЛЛ!!! Маттиа Дестро жарима майдончаси ичида тўпни қабул қилиб олди ва зарба берди! Ажойиб гол. 0-3!

• 50'

  Ух! Самьюэл Ди Карминенинг зарбаси дарвозадан бирозгина юқорилаб кетди!

• 48'

  "Кротоне" футболчилари "тики-така" услубида ўйин намойиш этишмоқда. "Женоа" асосан ҳимояланмоқда. Қарши ҳужум тактикаси.

• 47'
  

  "Кротоне"да ўзгариш: Педру Перейра ўрнига Антонио Рисполи ўйинга қўшилди.

• 46'
  

  Иккинчи бўлим бошланди!

• 45'

  Футболчилар майдонга қайтишмоқда. Биз ҳам қайтамиз.

• 45+2'
  

  Биринчи бўлим якунланди! Танаффус.

• 45+'
  

  Биринчи бўлимга 2 дақиқа вақт қўшиб берилди.

• 44'

  Лука Марроне рақибини чалиб йиқитди. Жарима зарбаси.

• 42'
  

  "Женоа" футболчиси офсайдда қолиб кетди.

• 41'

  Элдор Шомуродов росмана маънода қўпол ўйнади ва ҳакам томонидан огоҳлантирилди.

• 38'
  

  Давиде Заппакоста майдонда тиббий ёрдам олмоқда. У жароҳат олди, шекилли.

• 36'
  

  "Женоа" бурчак тўпидан хавфли вазият юзага келтира олмади.

• 35'

  Маттиа Дестронинг узатмасимон зарбасини ҳимоячилар ташқарига чиқариб юборди. "Женоа" бурчак тўпини ижро этади.

• 34'
  

  Доминико Кришито жароҳат олди. У майдонда тиббий ёрдам олмоқда.

• 33'
  

  "Кротоне" аъзоси Жуниор Мессиас ўйин қоидасини бузди ва сариқ карточка билан огоҳлантирилди.

• 32'
  

  "Кротоне" бурчак тўпидан хавфли вазият ярата олмади. Тўп меҳмонларда.

• 31'

  Аркадиуш Реца жарима майдони ичига идеал кросс амалга оширди, бироқ ҳимоячи уни боши билан узоқлдаштирди.

• 29'
  

  ГОООООООООООООООЛЛЛ!!! "Женоа" ҳисобни ишончли кўринишга келтириб қўйди! Заппакостанинг узатмасини Мартин-Чиборра дарвозага тўғирлаб юборди ва жамоасини ҳисобда олдинга олиб чиқди! 0-2!

• 28'

  Педру Перейра жарима майдончаси ичига ажойиб узатма амалга оширди, бироқ ҳимоячилар уни узоқлаштиришди.

• 27'
  

  "Женоа" аъзоси Кевин Стротманн сариқ карточка олди.

• 24'
  

  ГОООООООООООООООООЛЛЛ!!! Шомуродов бошлаб берган ҳужум Дестронинг голи билан якунланди! 0-1!

• 21'

  Аркадиш Рица ажойиб дриблинги билан ўйин темпини кўтарди, бироқ якун омадсиз чиқди.

• 19'

  "Женоа" тўпни ишонч билан назорат қилмоқда.

• 18'

  Перейрада барчаси жойида. У ўйинни давом эттира олади.

• 17'
  

  "Кротоне" футболчиси Педру Перейра майдонда тиббий ёрдам олмоқда. 

• 15'

  Давиде Заппакоста ишончли ўйнади. Хавфли ҳужум ноаниқ зарба билан якунланди.

• 13'

  "Кротоне" футболчиси Сими ўйин қоидасини қўпол тарзда бузди. Бош ҳакам уни оғзаки огоҳлантирди.

• 10'

  Миха Зайц берган зарба дарвозанинг чап устунига тегиб майдонни тарк этди! 

• 8'
  

  "Кротоне"нинг хавфли ҳужуми "Женоа" дарвозабони Маттиа Периннинг суперсейви билан якунланди.

• 7'

  Шомуродовнинг шериги Кевин Стротман ўйин қоидасини бузди. Бош ҳакам Пьеро Жакомелли ҳуштагини чалиб жарима зарбаси белгилади.

• 4'

  Лука Марроненинг қўпол подкатини кўрган ҳакам ҳуштагини чалиб, уни огоҳлантирди.

• 2'

  "Кротоне" футболчиси Лисандро Магальян "Женоа" аъзосига нисбатан ўйин қоидасини бузди. Ҳакам жарима зарбаси белгилади.

• 1'
  

  Учрашув бошланди!

• 0'

  Футболчилар майдонга чиқиб келишмоқда. А Серия мадҳияси янгради.

• 0'

  Италия А Серияси 20-туридан ўрин олган "Кротоне" - "Женоа" беллашувини ушбу саҳифа орқали кузатиб боришингиз мумкин. Ўйиннинг хавфли вазиятларини ўтказиб юбормаслик учун саҳифани янгилаб туриш тавсия этилади. Матнли трансляцияни Абдулла Маннонов олиб боради.