"Женоа" бош мураббийи "Интер"га қарши ўйин олдидан матбуот анжуманида иштирок этди
Бугун Италия чемпионати 24-турида "Интер" - "Женоа" баҳси бўлиб ўтади. Беллашувга Милан шаҳридаги "Сан-Сиро" (Жузеппе Меацца) стадиони мезбонлик қилади.
Учрашув олдидан генуяликлар устози Давиде Баллардини матбуот анжуманида иштирок этди ва қуйидаги фикрларни билдириб ўтди.
- "Женоа" футболчилари беллашувга яхши кайфиятда етиб келишди. Чемпионатнинг энг кучли жамоаларидан бири "Интер"га қарши ўйинда имкониятларимизни чамалаб олиш учун имконият. Нималарга қодирлигимиз аён бўлади. "Сан-Сиро" (Жузеппе Меацца)да ўйнаш ёқимли. Биз бу ерга муносиб иштирок этиш учун келдик, - деди Баллардини.
Миландаги ўйин Тошкент вақти билан 19:00да бошланади.
Фикрлар