"Jenoa" bosh murabbiyi "Spetsiya"ga qarshi o‘yindan so‘ng nimalar dedi?

Italiya chempionati 14-turida "Jenoa" mehmonda "Spetsiya" bilan bahs olib bordi va irodali g‘alabani qo‘lga kiritdi. Jamoa bosh murabbiyi Davide Ballardini o‘yindan keyingi matbuot anjumanida bahs haqidagi fikrlari bilan o‘rtoqlashdi.

"Menda sehrli tayoqcha yo‘q. Bugun "Jenoa" o‘zini jamoadek tutdi va chiroyli g‘alabani qo‘lga kiritdi. Hujum tashkil qilishda va himoyalanishda bir qancha ishlarni amalga oshirishimiz kerak, chunki hujumdan himoyaga qaytishda biroz kech qolyapmiz.

Asosiy tarkibdagi yarim futbolchilarning yoshi 30 dan oshgan, biroq bu taxminiy qaror natijasi. Men ikki kungi mashg‘ulotlardan so‘ng, eng yaxshilarini saralab maydonga tushirdim.

Genuyaliklar bu vaqtgacha bir necha marotaba men bilan aloqaga chiqishdi va so‘nggi qo‘ng‘iroq vaqtida ularga rozilik berdim. Ma’lum bir vaqt davomida ishsiz qolganim uchun murabbiylik kursisiga qaytishni juda xohlayotgandim.

Jamoani takomillashtirish kerak. Men sifatli, shiddatli va to‘pni nazorat qiladigan futbol tarafdoriman", - deydi Ballardini.