"Jenoa" futbolchisi "Inter"ga o‘tishi mumkin

Huquqiy jihatidan "Yuventus"ga tegishli bo‘lgan "Jenoa" darvozaboni Mattia Perin "Inter"ga o‘tishi mumkin, deya xabar bermoqda Goal.

"Neradzurrilar" transfermarkt nashri 7 million evroga baholayotgan 28 yoshli golkiperni jamoa sardori Samir Xandanovichga o‘rinbosar sifatida ko‘rmoqda.

2020/21 mavsumni "genuyaliklar" safida ijarada o‘tkazayotgan Perin 22 ta o‘yinda maydonga tushib, 28 ta gol o‘tkazib yubordi.