"Женоа" "Лацио"га қарши беллашув учун машғулотларни бошлади (фото)

"Женоа" клуби расмий "Твиттер" саҳифаси жамоа машғулотларидан фотоларни эълон қилди. 

Генуяликлар Италия А Сериясининг 34-тури доирасида "Лацио" майдонига сафар қилади. Ушбу беллашувдаги ғалаба иккала жамоа учун ҳам муҳим бўлиб, 3 очко олган тақдирда, римликлар кучли тўртликка яқинлашиб олиши ёки "гриффонлар" хавфли ҳудуддан анча олислаб олиши мумкин бўлади. 

Ушбу жамоалар ўртасидаги сўнгги беллашувда 1:1 ҳисобидаги дуранг натижа қайд этилган. Мувозанатни тикловчи голга Шомуродовнинг идеал узатмасидан сўнг, Дестро муаллифлик қилганди.