Жервонта Девис ва Ламонт Роуч ўртасидаги жанг натижаси ўзгариши мумкин!

Нью-Йорк штат атлетика комиссияси ўтган дам олиш кунлари бўлиб ўтган Жервонта Девис ва Ламонт Роуч ўртасидаги чемпионлик жанги натижасини қайта кўриб чиқиши мумкин.

“Тўққизинчи раундда видеотакрор сўралганидан сўнг, техник муаммо юзага келди ва комиссия белгиланган вақтда буни тузата олмади. Натижада ҳакам қарор қабул қилди ва кураш давом этди. Энди эса ташкилот жанговар спорт турларининг яхлитлигини сақлаш ва техник муаммоларнинг олдини олиш учун барча промоутерлар билан ишлаш тарафдори” — дейилади комиссия баёнотида.

Эслатиб ўтамиз, тўққизинчи раундда Девис тиз чўкиб қолди, бироқ ҳакам бу ҳолатни нокдаун дея ҳисобламади. Якунда эса баҳс дурранг натижа билан ўз ниҳоясига етди.