Жиноятчиларни ўлим жазосига ҳукм қилиш ўрнига, умрининг охиригача Иан Гаррини тинглашга мажбур қилинг!

UFC жангчиси Даррен Тилл ирландиялик Иан Гаррини қаттиқ танқид қилди.

"Жиноятчиларни ўлим жазосига ҳукм қилиш ўрнига, умрининг охиригача Гаррини тинглашга мажбур қилинг. Ўзлари электр стулини сўрай бошлашади. Мен ёмон ниятли одам эмасман, бу йигитга нисбатан нафратим йўқ. Лекин ҳар сафар у оғзини очганида, айтган гаплари билан ўз брендини, ўз обрўсини йўқ қилаётгандек туюлади. Агар Иан бироз бўлса ҳам менга ўхшаган бўлганида, одамлар уни яхши кўрарди, чунки у, шубҳасиз, зўр жангчи", — деди Тилл "The Mac Life" нашрига берган интервьюсида.

Эслатиб ўтамиз, 15 август куни Иан Гарри ярим ўрта вазн тоифасидаги амалдаги UFC чемпиони Ислом Махачевга қарши жанг ўтказади.