Жирков фаолиятини қачон якунлаши маълум бўлди

Жорий мавсум "Зенит" ҳимоячиси Юрий Жирков учун сўнггиси бўлади. Бу ҳақда Metaratings нашри хабар тарқатмоқда.

Юқоридаги манбага кўра, 37 ёшли футболчи ёзда Россия терма жамоаси сафида “Евро-2020”да иштирок этмоқчи ва шундан сўнг фаолиятини якунлайди. У ҳозир юқори жисмоний босимга дош беролмаяпти ва шу сабабли бутсаларини михга илмоқчи.

Жирков жорий мавсум 16 та ўйинда майдонга тушди ва 2 та голга ассистентлик қилди. Унинг “Зенит” билан амалдаги шартномаси ёзда ўз ниҳоясига етади.