Жиру яна бир Лондон клубига ўтиши мумкин

Лондоннинг "Челси" клуби форварди Оливье Жиру  яқинлашиб келаётган трансферлар даврида жамоасини ўзгартириши мумкин.

Sky Sports нашрининг ёзишича 33 ёшли франциялик футболчининг хизматларига Лондон шаҳрининг бошқа бир жамоаси - "Кристал Пэлас" жиддий қизиқиш билдира бошлаган. Айтиш керакки, Жиру етарлик ўйин амалиётига эга бўлолмаётгани сабаб “аристократлар” сафидан кетмоқчи.

Эслатиб ўтамиз, бундан аввалроқ “Челси” бош мураббийи Френк Лэмпард Жируга албатта ўзини кўрсатиши учун имкон берилишини ва унинг жамоада қолиши тарафдори эканини айтиб ўтган эди.

Маълумот учун, Жиру жорий мавсум ҳозирча “Челси” сафида 5 та ўйинда майдонга тушди ва 1 та гол уришга эришди. Унинг ҳозирги трансфер нархи эса 12 млн еврога баҳоланмоқда.