Жоан Лапорта: "Биз ривожланиш йўлидамиз"

"Барселона клуби президенти Жоан Лапорта мураббий Ханс-Дитер Флик бошчилигидаги мураббийлар штаби ва жамоа ҳусусида тўхталиб ўтди. Таъкидлаш жоиз, ҳозирда жамоа Ла Лига мавсуми стартидаги тўртта учрашувнинг барчасида ғалаба қозонди ва турнир жадвалида етакчилик қилмоқда.

"Биз академиямизни спорт лойиҳаси асоси сифатида мустаҳкамлаш устида ишлаяпмиз. Буларнинг барчаси бизга ҳиссий барқарорликни таъминлашимизда ёрдам бермоқда. Биз маҳаллий чемпионатда  бундай даражадаги ўйинларни ўтказиб омон қолдик ва ғалаба қозоняпмиз. Демак, иқтисодий, ижтимоий ва спорт жиҳатдан яхшиландик.

Бизни беқарорлаштиришга уринаётганлар фикр қилишлари керак. Президент ва директорлар кенгаши доим танқид қилинади ва биз вазиятни яхшилаш учун буни нормал қабул қиламиз. Лекин биз "Барселона"ни беқарорлаштиришга қаратилган баёнотларни кескин рад этамиз.

Биз ҳар қачонгидан ҳам кучлироқмиз ва клубимизни қайта қуришни тугатиш арафасида турибмиз", - деди Каталония жамоаси президенти.