Жокович: "Ҳамкасбларимнинг қилган иши мени хафа қилди"

Айни дамда дунёнинг биринчи рақамли теннисчиси - Новак Жокивич "Австралия Опен" мусобақасида содир бўлган кўнгилсиз воқеа ҳақида фикр билдирди. Қаҳрамонимиз 4 кун давомида ҳужжатлар билан боғлиқ муаммо сабабли шаҳарга чиқа олмаган чоғлари уни бошқа теннисчилар қўллаб-қувватламаганидан хафа эканлигини яшириб ўтирмади.

"Жуда хафа бўлдим. Мусобақада иштирок этиш учун ташриф буюрган ҳамкасбларимни энергияси ва нигоҳини сезиб турдим. Балки, улар вазиятни медиа орқали эълон қилинган хабарлардан келиб чиқиб баҳолагандир. Менга ҳеч ким фикр билдириш имконини бермади. Барчаси аслида қандай бўлганини тушунтириб бермоқчи эдим. Уларнинг мен ҳақимдаги фикри жуда муҳим. Сабаби, баъзан оила аъзоларимдан кўра кўпроқ теннисчилар билан вақт ўтказаман."

Эслатиб ўтамиз, Новак Жокович "Австралия Опен" мусобақаси ташриф буюрган, аммо ваксинага оид жанжал сабабли мамлакатдан чиқариб юборилган эди.