Жон Жонс Том Аспинал билан жанг қилиш шартини айтди

Оғир вазн тоифасида UFC чемпиони Жон Жонс вақтинчалик камар соҳиби Том Аспинал билан жанг қилиш шартини маълум қилди.

"Бу  учун жуда катта пул керак. Ўтган йиллар давомида молиявий масалаларни жамоат майдонига олиб чиқмаслик яхшироқ эканини билиб олдим. Энди шунчалик кўп пул ишлашни хоҳлайманки, мен учун ғалаба қозонишим ҳам, ютқазишим ҳам муҳим бўлмасин", - деди амалдаги UFC чемпиони матбуот анжуманида.

Эслатиб ўтамиз, Жонс АҚШ нинг Нью-Йорк шаҳрида бўлиб ўтган "UFC 309" турнирининг асосий тўқнашувида Стипе Миочични нокаутга учратиб, камарини ҳимоя қилди.