Жон Терри: "Футболчиларимизнинг ўйинидан жуда мамнунман"

"Челси"нинг собиқ футболчиси Жон Терри "Арсенал"га қарши дербидан (1:1) кейин жамоа ўйинидан катта мамнуният билдирар экан, айниқса ўйинда бир киши кам қолинганига қарамай, жамоа юксак даражада ҳаракат қилганини таъкидлади.

"Мен жуда хурсандман. Энг аввало — йигитларнинг ўйинидан. Биз бир киши кам бўлиб қолганимизга қарамай, жуда яхши ўйнадик, ҳатто анча устун эдик. Биринчи таймда фақат битта жамоа ташаббусни қўлга олди ва ғалаба учун курашди, кескин ва агрессив ўйнади. Бу Лондон дербиси ва шу каби руҳни футболчиларимиздан кутамиз: курашларга шўнғиб тушиш, озгина агрессия билан ўйнаш.

Афсуски, ҳакамлар ўйинни деярли дарҳол ўлдириб қўйди — дастлабки 15 дақиқа ичида учта сариқ карточка кўрсатишди. Лекин Кайседонинг майдондан ҳайдалиши ҳақида баҳслашмайман.

Фақат бир жамоа ғалаба учун ҳаракат қилди — бу бизнинг жамоа. Олдинга яхши чиққанимиз, ҳимояда ишончли ўйнаганимиз яхши кўриниб турди. Йигитлардан аъло даражадаги ўйин!

Биз — мухлислар — шундан хурсанд бўлишимиз керак. Чунки "Арсенал" кейинги ҳафталарда рақибларни осонлик билан енгиб келаётган, шу боис чемпионатда пешқадам. Аммо бизга қарши улар ажралиб кета олмади. Бу эса биз энг кучли жамоалар билан ҳам тенгма-тенг кураша олишимизни кўрсатади", — дея таъриф бериб ўтди Жон Терри.