Жорже Жезуш Роналду билан келишувни бузди

Португалия терма жамоаси бош мураббийи Жорже Жезуш УЕФА Миллатлар лигаси 2-турида Норвегияга қарши ўйинда (2:1) жамоа ҳужумчиси Криштиану Роналдуни майдонга туширмай, у билан аввал тузилган келишувни бузган.

Бу ҳақда Record газетаси ижрочи директори Педру Соуза Now Canal эфирида маълум қилди. Унинг сўзларига кўра, келишув август ойида, кузги ўйинлар учун таркиб эълон қилинишидан олдин тузилган.

Манбага кўра, Роналду айнан Жорже Жезушнинг миллий терма жамоа бош мураббийи этиб тайинланиши учун катта саъй-ҳаракат қилган. Бироқ кейинчалик вазият томонлар келишганидек ривожланмаган.

Мураббий ва футболчи ҳужумчининг майдондаги иштирокини меъёрлаштиришга келишган. Режага кўра, Роналду Норвегияга қарши ўтган учрашувда 30 дақиқа ўйнаши керак эди, аммо у майдонга тушмади.

Хабарларга кўра, Жезуш эришилган келишувга зид равишда ҳаракат қила бошлаган ва энди бу ўзгаришларнинг сабабларини тушунтириши керак. Келишувнинг бузилиши, айниқса Роналдунинг Жезушни терма жамоа бош мураббийи этиб тайинлашдаги таъсири ҳисобга олинса, саволларни юзага келтирган.