Jorjo Kellini: Ikardining "Yuventus"ga o‘tishi bu - fantastika

"Yuventus" klubi himoyachisi Jorjo Kellini "Inter" hujumchisi Mauro Ikardining Turin super klubiga ko‘chib o‘tishi borasida tarqalgan xabarlarga o‘z munosabatini bildirib o‘tdi.

“Men Ikardini hurmat qilaman, ammo uning “Yuventus”ga o‘tishi bu – futbol fantastikasi. Bizda yaxshi hujumchilar ko‘p va biz ular haqida o‘ylashimiz lozim. Biz birlashishimiz va bir-birimizni qo‘llashni xohlaymiz. Shukrki tez orada yangi mavsum boshlanadi”, - deydi italiyalik futbolchi.

Eslatib o‘tamiz, bundan avvalroq “Inter”dan ketishi aniq bo‘lgan Ikardi faqatgina “Yuventus”ga o‘tishga roziligi haqida xabarlar tarqalgan edi.