Жошуа Зиркзее "Фиорентина"га ўтиши мумкин

Инсайдер Маттео Моретто маълумотига кўра, "Фиорентина" "Манчестер Юнайтед" ҳужумчиси Жошуа Зиркзее хизматларига жиддий қизиқиш билдирган ва инглиз клубига футболчини ижарага олиш бўйича таклиф йўллаган.

Манбага кўра, италияликлар ижара учун тахминан 5 миллион евро тўлашга тайёр. Шунингдек, келишувга кейинчалик тўлиқ сотиб олиш имкониятини ҳам киритиш режалаштирилган. Клублар ўртасидаги музокаралар фаол тарзда давом этмоқда ва томонлар келишувга эришиш борасида ишонч билан ҳаракат қилмоқда.

Эслатиб ўтамиз, шу ой бошларида 25 ёшли форвардга "Ювентус" томонидан ҳам қизиқиш билдирилаётгани ҳақида хабарлар тарқалган эди.