Жозе Моуринью 2013 йилда «Манчестер Юнайтед»ни нега қабул қилмаганини тушунтирди

«Реал» бош мураббийи Жозе Моуринью 2013 йилда нега «Манчестер Юнайтед»га эмас, балки «Челси»га қайтишни танлагани ҳақида гапириб берди.

«„Реал“дан кетганимдан сўнг мен „Манчестер Юнайтед“да сэр Алекснинг ўрнини эгаллаш бўйича келишиб қўйган эдим. Бу таклиф мен учун катта шараф эди, чунки „Манчестер Юнайтед“ — жуда жозибали жамоа. Лекин футболни яхши кўриш бир нарса, аниқ бир клубга бўлган муҳаббат эса мутлақо бошқа. Менимча, бу ҳис туйғу оддий футболга бўлган муҳаббатдан ҳам кучлироқ. Ростини айтсам, „Реал“дан кейин яна ўзимни севишларини, қадрлашларини истардим.

Сэр Алекс Фергюсоннинг вориси бўлиш таклифидан воз кечиш жуда оғир қарор бўлди. Лекин мен бу ҳақда афсусланмайман, чунки танловимни қалбимга қулоқ тутган ҳолда қилганман», — дея Моуриньюнинг сўзларини BBC келтиради.