Жюль Кунде фаолиятини Англияда давом эттириши мумкин

"Барселона"нинг етакчи футболчиларидан бири Жюль Кунде фаолиятини Англия Премьер-лигасида давом эттириши мумкин.

"Mundo Deportivo" хабарига кўра, "Ливерпуль", "Челси" ва "Манчестер Сити" франциялик ҳимоячига жиддий қизиқиш билдирмоқда. Каталония клуби эса 27 ёшли футболчи бўйича катта таклиф тушса, трансфер вариантини кўриб чиқишга тайёр.

Эслатиб ўтамиз, 2022 йилда Кунде номи "Челси" билан фаол боғланган эди, аммо ўшанда у Англия эмас, айнан "Барселона"ни танлаган.

Transfermarkt портали Жюль Кунденинг трансфер қийматини 65 миллион евро деб баҳоламоқда.

2025/2026 йилги мавсумда ҳимоячи 40 та учрашувда майдонга тушиб, 3 та гол урди ва 4 та голли узатма амалга оширди.