К Лига. Ашурматов ва Искандеровнинг жамоалари мағлуб бўлди

Бугун Жанубий Корея К Лигасида 10-тур ўйинлари ниҳоясига етди. Рустам Ашурматов фаолият олиб борадиган “Гвангжу” жамоаси ўз майдонида “Тэгу”ни қабул қилди ва 2:4 ҳисобида мағлубиятга учради. Ашурматов одатдагидек майдонда 90 дақиқа ҳаракат қилди.

Параллель равишда кечган “Сеонгнам” – “Поханг Стилерс” жамоалари ўртасидаги қарама-қаршиликда эса меҳмонлар 4:0 ҳисобидаги йирик ғалабани қўлга киритишди.  “Сеонгнам” сафида Искандеров 70-дақиқада захирадан майдонга тушди.

Шу тариқа, “Гвангжу” ҳисобидаги очколар сони 10 талигича қолди ва турнир жадвалида 8-ўринда бормоқда. 9 очкоси бор “Сеонгнам” эса 11-поғонадан жой олган.

К Лига. 10-тур

“Гвангжу” – “Тэгу” 2:4

“Сеонгнам” – “Поханг Стилерс” 0:4.