Кака Роналдуни Ибрагимович ва Мальдинига ўхшатди

Яқин ўтмишнинг машҳур футболчиларидан бири Кака португалиялик ҳужумчи Криштиану Роналду ҳақида гапирди. Эслатиб ўтамиз, португалиялик юлдуз яқинда Саудия Арабистонининг “Ал-Наср” клуби билан 2022 йил охирида шартнома имзолаган.

“У футбол ўйнаб фаолиятини якунлашни хоҳлайди. Мен уни тушунаман, у бошқача. Роналду каби футболчилар жамоага оддий тушунчани олиб келишади. Ғалаба мағлубиятга ўхшамайди. Кўпчилик ёш футболчилар буни тушунмаётганини ҳис қиляпман.

Бу борада Мальдини ажойиб ўрнак бўла олади. У 4 марта Чемпионлар лигасида ғолиб чиқди ва 5-марта ҳам ғалаба қозонишни хоҳлади. Бундай футболчилар жуда муҳим аҳамият касб этади. Худди шу гапларни Златан ҳақида ҳам айтиш мумкин. У ўз менталитети туфайли ҳали ҳам фойда келтириши мумкин”, - деди Кака La Gazzetta dello Sport нашрига берган интервьюсида.