Камбэк амалга оширган "Олимпик" дебют мавсумдаёқ Суперлигага чиқди!

"Олимпик" ва "Машъал" жамоалари ўртасидаги Суперлигага ўтиш ўйини якунланди. Унда тошкентликлар зафар қучди, 3:1.

Ҳисоб 57-дақиқада Сирожиддин Қўзиев томонидан очилди. Меҳмонлар вакили пенальтини аниқ амалга оширди. Бунга мезбонлар Отабек Жўрақўзиев ҳамда Темур Мамасидиқовнинг голлари эвазига жавоб қайтаришга муваффақ бўлди. Темурдан дубль.

Шундан қилиб, "Олимпик" келаси мавсум элитада иштирок этадиган бўлди. "Машъал" эса, Про-лигада қатнашади.

• 90+5'
  

  Учрашув якунланди. "Олимпик" Суперлигага чиқди!

• 90+4'

  Тошкентликлар сўнгги дақиқаларни ҳам ҳужумда ўтказмоқда.

• 90+3'
  

  Футболчилар бироз қўпол ўйин кўрсата бошлади. Бу сафар "Машъал" футболчиси огоҳлантирилди.

• 90+1'
  

  Шамсиевга сариқ карточка кўрсатилди.

• 90'
  

  Ўйиннинг асосий вақтига 5 дақиқа қўшилди.

• 88'

  "Машъал" бурчак зарбасидан фойдалана олмади.

• 86'

  Меҳмонлар катта куч билан олдинга ўтмоқда.

• 84'

  Жаримадан берилган зарбага аниқлик етишмади.

• 82'

  Видеотакрорларни кўрган ҳакам ҳимоячига берилган карточкани бекор қилди. Аммо стандарт вазият амалга оширилади.

• 81'

  Ҳакам ВАРни кўриш учун майдон четига йўл олди. Шукуруллаев майдондан четлатилиниши мумкин.

• 81'

  "Олимпик" жарима майдони остонасида стандарт вазиятга эга бўлди.

• 79'

  Голлардан руҳланган тошкентликлар ҳужумкорликни давом эттирмоқда.

• 77'
  

  ГООООООООООООООЛ! "Олимпик" ҳисобни ишончли кўринишга келтирди!

  Дарвозабон билан бирга-бир вазиятга чиқиб борган Мамасидиқов мўлжалда адашмади!

• 75'
  

  ГООООООООООООООЛ! "Олимпик" ҳисобда олдинга ўтиб олди!

  Жарима майдонига оширилган тўпни Темур Мамасидиқов боши билан дарвозага тўғирлаб юборди!

• 72'

  Узоқ масофадан берилган зарбадан сўнг тўп "Машъал" дарвозаси тўсинидан қайтди.

• 69'
  

  Муҳаммад  Йўлдшев ўрнига Аббос Шодмонов майдонга тушди.

• 67'

  Самандар Шукуруллаевга сариқ карточка кўрсатилди. "Олимпик"да қулай вазият юзага келди.

• 65'
  

  Жарима майдонига ёриб кирган Жияновнинг яқин масофадан берган зарбасини дарвозабон қайтари.

• 64'
  

  Гол урилган вазиятда Муҳаммадали Алиқулов жароҳат олган кўринади. Унга тиббий ёрдам кўрсатилди.

• 62'
  

  ГОООООООООООЛ! Мезбонлар ҳисобни тенглаштирди!

  Отабек Жўрақўзиевнинг яқин масофадан берган зарбасини дарвозабон қайтара олмади.

• 59'
  

  Кападзе дарҳол ўзгаришга қўл урди: Одилов ва Анваров ўрнига Жиянов ҳамда Мухторов ўйинга қўшилди.

• 58'

  Ҳисобда ортда қола бошлаган мезбонлар фаоллликни оширишга ҳаракат қиляпти.

• 57'
  

  ГООООООООООООЛ! Учрашувда ҳисоб очилди!

  Марказга кучли зарба йўллаган Сирожиддин Қўзиев ҳисобни очди!

• 55'
  

  Жарима майдони ичида Нўъмоновга нисбатан қоида бузилди. Ҳакам пенальти белгилади.

• 54'

  Жарима майдони ичига оширилган тўпга Чигози ета олмади.

• 52'

  Муборакликлар жарима майдони яқинида стандарт вазиятга эга бўлди.

• 49'

  Иккинчи 45 дақиқаликда меҳмонлар бироз фаолроқ ҳаракат қиляпти.

• 47'

  Қўзиевнинг зарбаси муваффақиятсиз чиқди.

• 46'
  

  Иккинчи таймга старт берилди!

• 46'

  Футболчилар майдонга қайтди. Навбат бизники!

• 45'
  

  Биринчи таймга вақт қўшилмади. Танаффус!

• 42'

  Самуэль Чигози яна бир қулай имкониятдан фойдалана олмади. Яқин масофадан берилган зарба кучсиз чиқди.

• 40'

  Мезбонлар жарима майдонидан узоқ бўлмаган ҳудудда стандарт вазиятга эга бўлди.

• 37'

  Жарима майдонига ёриб киришга ҳаракат қилган Йўлдошев тўпни йўқотди.

• 35'

  Дарвозабонни алдаб ўтган Чигози тўпни шерикларига узатди. Нурматовнинг қулай позициядан берган зарбаси ноаниқ кетди.

• 32'

  "Олимпик" хавфли ҳужум уюштирди. Мамасидиқов яқин масофадан зарба йўллай олмади.

• 30'

  Қанотдан оширилган тўпни Назаров эгаллаб, жамоасининг қарши ҳужумини бошлади.

• 29'

  Жарима майдонига узатилган тўпга Чигози ета олмади.

• 27'

  Темур Мамасидиқовнинг якка ҳолда уюштирган рейди муваффақиятсиз якунланди.

• 25'

  25-дақиқага келиб деярли бирорта голга тортадиган хавфли вазият гувоҳига айланмадик. Жамоалар эҳтиёткорликни биринчи планга қўймоқда.

• 23'

  Анваровнинг олис масофадан берган зарбасига аниқлик етишмади.

• 21'

  Ўйин томонларнинг тенг кураши остида давом этмоқда.

• 19'

  Айни дақиқаларга келиб тўп назорати Хомяков шогирдлари томонда бўлиб турибди.

• 17'

  Кападзе шогирдлари майда паслар билан олдинга ўтяпти.

• 15'
  

  "Машъал" футболчиси ўйиндан ташқари ҳолатда қолиб кетди.

• 14'
  

  Чигозининг фаоллиги туфайли муборакликлар бурчак тўпини қўлга киритди.

• 12'

  Меҳмонлар аста-секинлик билан фаолликни оширмоқда.

• 10'

  Жарима майдонига оширилган тўпни "Машъал" дарвозабони ушлаб олди.

• 8'

  Тошкентликлар тўп назоратини қўлга олмоқда.

• 5'

  Мирсаидовга нисбатан марказда қоида бузилди.

• 3'
  

  Чигози ўйиндан ташқари ҳолатда қолиб кетди. Ҳакам ўйинни тўхтатди.

• 1'
  

  Учрашув бошланди!

• 0'

  Томонлар жамоавий суратга тушди. Стартга оз қолди...

• 0'

  Футболчилар майдонга тушиб келди. Сардорлар ўйинни ким бошлашига ойдинлик киритиб олди.