Канада терма жамоаси юлдузи мундиалда ўйнайдими?

Канада терма жамоаси бош мураббийси Жесси Марш Альфонсо Дэвиснинг 2026 йилги Жаҳон чемпионатида иштирок этишига ишонч билдирди.

Унинг айтишича, ҳозирги жароҳат ва қийинчиликларга қарамасдан, футболчи катта турниргача тўлиқ тикланиши кутилмоқда. Марш Дэвиснинг жамоа учун нақадар муҳим ўйинчи эканини алоҳида таъкидлади.

“Бавария” сафида ўйнайдиган Дэвис сўнгги йилларда тезлиги, ҳужумкор ҳаракатлари ва универсаллиги билан жаҳон футболидаги энг кучли қанот ҳимоячиларидан бирига айланди.

Канада миллий терма жамоаси ҳам Жаҳон чемпионати олдидан унинг ҳолатини диққат билан кузатмоқда. Мухлислар эса юлдуз футболчининг муҳим мусобақага тайёр ҳолда қайтишидан умид қилмоқда.

Маршнинг фикрича, Дэвиснинг тажрибаси ва индивидуал маҳорати “Канада” учун турнирда ҳал қилувчи омиллардан бири бўлиши мумкин.