Канададаги ёнғин Левандовскига таъсир ўтказди

MLS мунтазам чемпионати доирасидаги “Чикаго Файр” ва “Ванкувер Уайткэпс” учрашуви ҳавонинг кучли ифлосланиши сабабли бошқа санага қолдирилди. Бу ҳақда “Чикаго” клуби матбуот хизмати маълум қилди.

Ўйин 17 июль кунига белгиланган эди, аммо энди у 6 октябрь куни ўтказилади.

The Athletic нашри маълумотига кўра, бунга Канададаги ўрмон ёнғинларидан келиб чиққан тутун сабаб бўлган. Ҳавонинг қаттиқ ифлосланиши туфайли Чикаго шаҳар маъмурияти бир қатор жамоат жойларини ёпишга ва очиқ ҳавода ўтказилиши режалаштирилган тадбирларни бекор қилишга мажбур бўлган.

Ушбу ўйин Роберт Левандовски учун MLSдаги дебют учрашуви бўлиши керак эди.

Польшалик машҳур ҳужумчи “Барселона” билан шартномаси тугагач, “Чикаго Файр” клуби сафига қўшилган эди.

Шунингдек, “Ванкувер Уайткэпс” таркибида “Бавария”да Левандовски билан бирга тўп сурган Томас Мюллер ҳам ўйнамоқда.