Канадалик мухлислар Ўзбекистон терма жамоасига баҳо берди

Ўзбекистон миллий терма жамоаси Жаҳон чемпионатига тайёргарлик доирасида Канадага қарши ўртоқлик учрашувида майдонга тушди. Курашларга бой ва жанговор руҳда кечган баҳсда вакилларимиз 2:0 ҳисобида мағлуб бўлди.

Учрашувдан сўнг Канада футболига ихтисослашган нашрлар ва ижтимоий тармоқ фойдаланувчилари Ўзбекистон терма жамоаси ҳақида ижобий фикрлар билдиришди.

— Ўзбекистон биринчи бўлимда Канада учун жиддий муаммо туғдиргани таъкидланди.

— Канадалик мухлислар ҳисоб ўйиндан кўра осонроқ кўринганини қайд этишди.

— Кўпчилик Элдор Шомуродовнинг ҳаракатларини алоҳида эътироф этди. У гол урмаган бўлса-да, Канада ҳимоячилари учун хавф туғдиргани айтилди.

— Ўзбекистоннинг ҳимоядаги тартибли ўйини ва қарши ҳужумлардаги хавфли ҳаракатлари ижобий баҳоланди.

— Айрим мухлислар Ўзбекистон Жаҳон чемпионатида айрим рақиблар учун ноқулай жамоага айланиши мумкинлигини таъкидлашди.

— Шунингдек, Канада терма жамоаси иккинчи бўлимда захирадан тушган футболчилар ҳисобидан устунликка эришгани қайд этилди.

Sportsnet, Waking The Red, Canadian Soccer Daily ва Reddit платформасидаги Канада футбол мухлислари муҳокамалари.