Канисарес: "Реал" сардори Куртуа бўлиши керак"

Испания терма жамоасининг собиқ дарвозабони Сантьяго Канисареснинг фикрича, "Реал Мадрид" капитанлик боғичини Тибо Куртуага топшириши керак.

— Менимча, Килиан Мбаппега яна бир имконият бериш лозим. Лекин бу муайян чекловлар, талаблар ва мажбуриятлар билан бўлиши шарт.

Менинг назаримда, жамоа капитани Куртуа бўлиши керак. Ҳозир у таркибдаги энг мувозанатли ва профессионал футболчи. У аллақачон учинчи капитан сифатида Винисиус Жуниордан олдинда бўлишга лойиқлигини исботлади. Ҳолбуки, иккаласи ҳам "Реал"га бир йилда келган.

Клуб жамоани янги ички иерархия асосида қуришни бошлаши керак, — деди Канисарес.