Каннаваро Азизбек Турғунбоевни нима сабабдан таркибга жалб қилмаганини тушунтирди

Ўзбекистон терма жамоаси мураббийи Фабио Каннаваро Азизбек Турғунбоевнинг нима учун Жаҳон чемпионатига олиб кетилмаётгани ҳақидаги саволга жавоб берди.

Азизбек Турғунбоев нима сабабдан терма жамоага жалб этилмади? Буни биз унинг жисмоний ҳолати билан боғласак бўладими ёки бошқа бир сабаб борми?

"Мен Азизбек билан жароҳат олганидан сўнг алоҳида гаплашиб ўтганмиз. Мен ўша суҳбатга унга айтганман — Турғунбоев жароҳатдан қайтганидан сўнг янада кўпроқ ўзини устида ишлаши керак.

майдонга қайтди, баъзи ўйинларда жамоасига ёрдам берди, лекин унинг майдондаги ҳаракатлари ҳамда ўзини тутиши мени етарлича ишонтира олмади.

Мен Азиз Турғунбоевни жуда яхши биламан, унинг даражасини, терма жамоада қилган олдинги меҳнатини, муҳим ўйинлардаги хизматларини алоҳида эътироф этиш керак.

Афсуски бу футбол. Футболда бундай ҳолатлар бўлиб туради. Шунингдек, мен кўпроқ мени ишонтира олган футболчиларни таркибга чақирганман. Бундан ташқари, орамизда ҳеч қандай шахсий муаммо йўқ", - дея айтиб ўтди италиялик мутахассис.