Каннаваро ҳайратга соляпти! Ўзбекистоннинг янги бош мураббийига Европадан қандай муносабат бўлди?

Ўзбекистон миллий терма жамоасини 2026 йили АҚШ, Канада ва Мексика майдонлари мезбонлик қиладиган жаҳон чемпионатига италиялик мутахассис Фабио Каннаваро тайёрлайдиган бўлди.

2006 йилги “Олтин тўп” соҳибининг мундиал дебютанти бош мураббийлигига тайинланиши бироз кутилмаган қарор бўлди. Чунки Фабио яқин ўтмишдан қандай зўр футболчи бўлганига қарамасдан мураббийлик соҳасида ҳали кўзга кўринадиган бирор натижага эришмаган.

Шу боис, Каннаваро ўзи учун ҳам мураккаб, лекин муҳим бўлган янги чиқарувни қабул қилгани жаҳоннинг турли бурчакларида муҳокамаларга сабаб бўлмоқда. Sports.uz портали ушбу воқеага Бельгиядан бўлган муносабатни ўзбекистонлик футбол ишқибозлари эътиборига ҳавола этади.

- Футболчи сифатида Фабио Канавваро мултақ жаҳон даражасдаги ўйинчи бўлганига ҳеч қандай шак-шубҳа йўқ. Италиялик ҳимоячи фаолияти давомида Европанинг “Наполи”, “Парма”, “Интер”, “Ювентус” ва “Рал Мадрид” сингари таниқли клубларида ўйнаган.

2006 йили Каннаваро сардорлик қилган Италия терма жамоаси жаҳон чемпионатида ғолиб чиқди ва бу муваффақият ҳимоячига “Олтин тўп”ни ҳам олиб берди.

Фабионинг мураббийлик фаолияти эса у қадар ёрқин чиққани йўқ. Каннаваро мураббийлик соҳасида ҳали маҳорат чўққисини забт этишга улгурмади. Ўз юртида “Беневенто” ва “Удинезе” каби ўртамиёна жамоаларни қисқа муддат бошқарган. Асосий фаолияти Яқин Шарқ ва Хитойда ўтди.

Каннаваронинг охирги иш жойи Загребнинг “Динамо” клуби бўлганди. Бироқ бу ҳам унга ҳеч қандай натижа бермади. Хорватия клубидан шу йилнинг апрель ойида, иш бошлаганига тўрт ой тўлмай истеъфога чиқарилди. Бу ҳолат унинг бўлажак жаҳон чемпионатида қатнашадиган миллий терма жамоага бош мураббий этиб тайинланишига тўсқинлик қилгани йўқ.

Ўзбекистон футбол ассоциацияси Фабио Каннаварони миллий терма жамоанинг янги устози сифатида расман таништирди. Футболчи сифатида бунгача уч маротаба жаҳон чемпионатларида иштирок этган Каннаваро 2026 йилнинг 31 июлигача давом этадиган мураббийлик шартномасига имзо чекди. Фабио терма жамоани АҚШ, Канада ва Мексикада жаҳон чемпионатига тайёрлашни бошлаб юборди...

Марказий Осиёдаги етакчи жамоа ҳисобланган Ўзбекистон ўз тарихида илк бор жаҳон чемпионатига йўлланма олди. Ўзбеклар ҳал қилувчи саралаш турнирида Эрондан кейин иккинчи ўринни эгаллади ва асосий таъқибчилардан Бирлашган Араб Амирликлари ҳамда Қатарни ортда қолдирди.

Ўзбекистон футболи жадал ривожланаётган мамлакат. Бунга ёрқин мисол сифатида “Манчестер Сити”да порлаётган Абдуқодир Ҳусановни келтириш мумкин. Шунингдек, ўтган ёздан бери Бельгиянинг профессионал  Jupiler лигасида “Антверпен” шарафини ҳимоя қилаётган Муҳаммадали Ўринбоев ҳам айнан мана шу мамлакат футболчиси ҳисобланади, - деб ёзди voetbalnieuws.be сайти журналисти Янник Ланкрит.

ChatGPT Ҳусанов гол урган жамоага манчестерлик футболчини жойлади

Ҳусанов ўрнига жаҳон чемпиони келади!

Ўзбекистонда мундиални “ёндирадиган” учта футболчи бор!

Испанияда ўйнаган юлдуз Ўзбекистонни қабул қилаётган Каннаварога ўзгача мурожаат қилди