Каннаваро "Олтин тўп"га ким лойиқлигини айтди
Фабио ўйинчи танлашни билади
Ўзбекистон миллий терма жамоаси бош мураббийи Фабио Каннаваро бу йилги «Олтин тўп» учун кураш ҳақида фикр билдирди.
Унга кўра, мукофотга асосий даъвогарлар орасида у ПСЖ ва Грузия терма жамоаси ярим ҳимоячиси Хвича Кварацхелияни қўллаб-қувватлайди.
- Менинг хотирам яхши, фақат яқинда бўлиб ўтган воқеаларга қараб баҳоламайман. Ўтган мавсум Европа Чемпионлар лигасида энг ёрқин футболчи Кварацхелия бўлди. Агар овоз бериш менга боғлиқ бўлганида, иккиланмасдан уни танлардим.
Албатта, жаҳон чемпионатини, Килиан Мбаппени ёки Лионель Месси ва унинг бутун фаолиятини эслаш мумкин. Лекин Квара майдонда ҳақиқатан ҳам ажойиб ишларни амалга оширди, – дея Каннаваронинг сўзларини келтиради La Gazzetta dello Sport.
«Олтин тўп» 26 октябрь куни Лондонда топширилади.
Эслатиб ўтамиз, Фабио Каннаваро ўзи ҳам 2006 йили, Италия терма жамоаси жаҳон чемпионлигини қўлга киритганидан сўнг, «Олтин тўп» соҳиби бўлган эди.
Изоҳлар (0)