Kapadze birinchi taymdan so‘ng yigitlarga nima degandi?

Xabaringiz bor, kecha O‘zbekiston OTJ Yaponiyani 2:0 hisobida taslim etib, Osiyo kubogi finaliga yo‘l oldi. Uchrashuvdan so‘ng terma jamoamiz yarim himoyachisi Abdurauf Bo‘riev o‘z fikrlari bilan o‘rtoqlashdi. 

O‘yin juda qiyin bo‘ldi. Yaponiya o‘ziga yarasha kuchli terma jamoa. Shunday bo‘lsa-da g‘alabaga erisha oldik.

Biroz ehtiyotkor o‘ynadik. Sababi, bitta gol hammasini hal qilib ketishi mumkin. Menimcha, shu tufayli o‘yin avvalida biroz bosimga duch keldik.

- Saudiya Arabistonidan alamimiz bor. "Dubai Cup"da ularga mag‘lub bo‘lgandik. Finalda ulardan alamimizni olishga harakat qilamiz.

- Saudiyada ham o‘yinni cho‘zish holatlari kuzatiladi. Aniq ayta olmaymanku, ammo katta ehtimol bilan finalda shunday bo‘ladi.

- Muxlislarning yo‘qligi bizga ta’sir qildi. Har bir bahsda 12 kishi bo‘lib harakat qilayotgandik. Bugun 11 kishi bo‘lganimiz bilan tashqarida monitorda ko‘plab muxlislar o‘yinimizni kuzatib bordi. Hammasiga rahmat aytmoqchiman. Finalda ko‘rishguncha.

- Murabbiyimiz ilk taymdan so‘ng ular bizdan qo‘rqishini va raqib ruhan taslim bo‘lganini aytdi. Shuningdek, bu bizning vatanimiz va kubokni hech kimga bermasligimiz kerakligini ta’kidladi.