Капелло Мессини
Ads

Италиялик машҳур мутахассис Фабио Капелло ўз вақтида "Барселона" форварди Лионель Мессини "Ювентус"га олиб келишга уруниб кўрганини айтди.

“Мен Мессини биринчи марта Гампер кубогида кўрганман, ўшанда у 16 ёш эди. Шу ўйинда Месси майдонга тушган ва мухлисларнинг ҳайратига сабаб бўлганди. Ўйиндан кейин мен Райкарднинг олдига борганман ва уни “Ювентус”га ижарага беришни сўраганман. Ўша пайтда “Барселона”да Европа иттифоқи паспортига эга бўлмаган футболчилар лимити сабаб Мессида ўйин амалиёти муаммо бўлиши мумкин эди, бироқ Райкард менга рад жавобини берган ва Лео учу ҳамиша таркибда жой топилишини айтган”, - дейди Капелло.

Эслатиб ўтамиз, 32 ёшли Месси бутун фаолиятини “Барселона”да ўтказмоқда. У ҳозирча каталонияликлар билан бирга жами 34 та соврин қўлга киритди.

Маълумот учун, Капелло 2004-2006 йилларда “Ювентус”ни бошқарган.