Карим Бензема мундиалнинг энг фаворит 4 та терма жамоаси номини айтди

Франция ва Мадриднинг "Реал" клуби ҳужумчиси Карим Бензема қайси жамоалар ЖЧ-2022 фаворитларини эканлиги борасида ўз фикрлари билан ўртоқлашди.

“Винисиус ва Родриго ҳаракат қиладиган Бразилия мундиалдаги энг фаворит терма жамоами? Ҳа, ҳозирги кундаги Бразилия жуда ҳам кучли таркибга эга. Шунингдек, Аргентина, Испания ва, албатта, Франция ҳам мусобақада ғалаба қозониш учун борини беришади”, - деди “Реал” ҳужумчиси "Telefoot" нашрига.

Франция Қатарда бўлиб ўтадиган жаҳон чемпионатининг илк учрашувини 22 ноябрь куни Австралия терма жамоасига қарши ўтказади. 26 ноябрь куни французлар Дания билан, 30 ноябрда эса Тунис билан ўйнайди.