Карим, тинчгина кета қол!

Sky Sports маълумотига кўра, машғур ҳужумчи Карим Бенземанинг “Ал-Ҳилол”дан кетиши жуда мураккаб масала бўлиб, Саудия клубининг кейинги трансфер режаларига ҳам тўсқинлик қилмоқда.

Манбага кўра, клуб француз ҳужумчиси билан хайрлашмоқчи ва унинг ўрнига номзодларни изламоқда. Асосий вариантлардан бири  Олли Уоткинс бўлиб, клуб у билан шахсий шартлар бўйича келишувга эришилган.

Бироқ трансфер Бенземанинг шартномаси туфайли тўхтаб қолган. Унинг клуб билан келишуви оддий “футболчи – клуб” муносабатларидан кенгроқ тизимга боғланган. Футболчига тўланадиган маблағларнинг бир қисми давлат тузилмалари орқали амалга оширилади. Шу сабабли шартномани бекор қилиш учун лига ва тегишли давлат идораларининг розилиги талаб қилинади.

Бензема эса эркин агент сифатида кетиши учун шартномасининг сўнгги йили бўйича барча маблағни тўлиқ олишни талаб қилмоқда. Бу талаб на клуб, на лига ва на Саудия ҳукуматига маъқул келмоқда.

Футболчи Саудия Про-лигасининг имиж лойиҳасида муҳим шахслардан бири сифатида қаралади. Шу сабабли спорт, иқтисодий ва сиёсий манфаатлар бир-бири билан чамбарчас боғланиб кетгани учун масала ҳали ҳал этилмаган. “Ал-Ҳилол” эса бу ҳолат туфайли бошқа трансфер мақсадлари бўйича тўлиқ ҳаракат қила олмаяпти.

Бензема 2026 йил февраль ойида “Ал-Иттиҳод”ни тарк этиб, расман “Ал-Ҳилол”га ўтган эди.