Карло Анчелотти "Барселона"дан учралган мағлубиятга қандай изоҳ берди?

Янги мавсумга тайёргарлик кўраётган "Реал" ва "Барселона" АҚШнинг Лас-Вегас штатида ўртоқлик учрашувида майдонга тушди. Беллашув каталонияликларнинг 1:0 ҳисобидаги ғалабаси билан ниҳоясига етди.

Баҳсдан сўнг "қироллик клуби" бош мураббийи Карло Анчелотти ўз фикрлари билан ўртоқлашди: "Орқа чизиқда яхши ҳаракат қилдик, аммо бошқа сифатлар етишмади. Ўйин шиддатли кечди, айниқса, биринчи бўлимда. Жисмоний тайёргарлик туфайли барча футболчиларни ротация билан ўйнатдим.

Бензема? У дунёнинг энг яхши футболчиси. Айтишим мумкинки, у бўлмаса, ўрни аниқ сезилади. Карим кейинги назорат учрашувида майдонга тушади.

Янги трансферлар ҳақида янгилик йўқ. Барчаси Себальос ва Асенсионинг қолиш ёки кетиши билан боғлиқ".