Карло Анчелотти ЖЧ-2022 фаворитларини айтди

"Реал" Мадрид бош мураббийи Карло Анчелотти Қатарда бўлиб ўтадиган 2022 йилги жаҳон чемпионати фаворитлари ҳақида ўз фикрлари билан ўртоқлашди.

“Энг кучли жамоалар Бразилия ва Франция. Кейинги ўринда эса Аргентинани кўрсатган бўларди. Скалони бошчилигидаги жамоани алоҳида таъкидлаган бўлар эдим, чунки уларда ажойиб жамоа шаклланган. Бундан ташқари, уларда Месси бор”, - дея Анчелотти сўзларини келтиради “Il Messaggero” нашри.

Қатардаги жаҳон чемпионати 2022 йилнинг 20 ноябридан 18 декабрига қадар бешта шаҳардаги саккизта стадионда бўлиб ўтади.

Маълумот ўрнида, 2018 йилда Россияда бўлиб ўтган жаҳон чемпионатида Франция терма жамоаси ғолиб чиққан эди.