Карло Анчелотти: "Наполи"га Скудеттони ютиш учун келдим

"Наполи" клуби бош мураббийи Карло Анчелотти неаполликлар бошқарувига нега келгани ва бу ердаги мақсадлари ҳақида гапириб ўтди.

“Бу ерда бир мавсум тўлиқ ишлаганимдан сўнг, биз қандай йўналишда кетаётганимизни тушундим. “Наполи” ўсишни хоҳлайди ва бунинг учун бизда жиддий лойиҳа бор. Таркибни кучайтириш учун эса клубни қарзга ботиришни хоҳламайман. Мен бу ерга таътилга эмас, Скудеттони ютиш учун келдим”, - дейди Анчелотти.

Эслатиб ўтамиз, Анчелотти “Наполи”ни 2018 йилнинг ёзидан буён бошқариб келмоқда. Унинг жамоаси бу мавсум А Серияда “Ювентус”дан сўнг иккинчи ўринни эгаллади.