Карло Анчелотти: Рақиб ҳақида гапиришни ёқтирмайман

Испания Ла Лигаси 10-туридан ўрин олган "Барселона" - "Реал" Мадрид учрашувида меҳмонлар 2:1 ҳисобида зафар қучди. Ўйиндан сўнг ташкил этилган матбуот анжуманида мадридликлар бош мураббийи Карло Анчелотти иштирок этиб, қуйидаги фикрларни билдириб ўтди:

"Классико"да ғалаба қозонганимиздан хурсандман, чунки бу энг муҳим ўйин. Мен рақиб ҳақида гапиришни ёқтирмайман, лекин бугун улар ҳам яхши ўйин намойиш этишди. Орқа чизиқда тартибли ҳимояланишга муваффақ бўлди. Жамоамизда кўплаб устунликлар бор, бундан завқланишимиз лозим.

"Барселона" ҳисобни қисқартирганида қўрқдимми? Шуни айтишим мумкин-ки, мен ҳеч қачон ортиқча ташвишга тушмайман. Бироқ ҳакам финал ҳуштагини чалгунига қадар доим кичик қўрқув бўлади",-деди италиялик мутахассис.

Маълумот учун, томонларнинг иккинчи даврадаги баҳси 2022 йилнинг 20 март санасида ўтказилади.

Рональд Куман "Реал"дан учралган мағлубиятга қандай изоҳ берди?