Мадриднинг "Реал" клуби ҳимоячиси Дани Карвахаль ўзининг жамоадаги келажаги борасида гапириб ўтди.

“Баъзилар сен ҳеч қачон ўзлари ҳайдашмагунича “Реал”дан кетмайсан дейшади. Ҳозир мен ушбу жамоа шарафини ҳимоя қилаётганимдан бахтлиман. Бироқ, агар мен майдонга камроқ тушишни бошласам ва ўзимга бўлган ишончни йўқотсам, клубдан кетаман”, - дейди Карвахаль.

Маълумот учун, Карвахаль “Реал” клуби тарбияланувчиси ҳисобланади. У 2013 йилдан буён асосий жамоада тўп суриб келмоқда. Якунланган мавсум у жами 37та ўйинда майдонга тушди ва ўз ҳисобига 1та гол ҳамда 7та голли узатма ёздириб қўйишга эришди.