Карвахалнинг ўрнида энди ким ўйнайди? Анчелотти жавоб берди

Хабарингиз бор, “Реал”нинг тажрибали ҳимоячиси Дани Карвахаль тиззасидан жиддий жароҳат олган эди. Испаниялик футболчининг тикланиши учун узоқ вақт талаб этилади ва у бу мавсум бошқа майдонга тушмайди.

Бироқ, жамоа бош мураббийи Карло Анчелотти ўнг қанот ҳимояси позициясидан унчалик хавотирда эмас. Италиялик мутахассиснинг фикрича, таркибда ушбу позицияда ўйнай оладиган футболчилар бор.

“Карвахални йўқотганимиздан жуда афсусдамиз. У кийиниш хонасига кириб, бизга куч бериши мумкин. Унинг ўрнида ким ўйнай олади? Лукас Васкес ва Эдер Милитао”, - деди Анчелотти матбуот анжуманида.

"Реал" эртага, 19 октябрь куни Ла Лиганинг навбатдаги турида сафарда “Сельта”га қарши баҳс олиб боради. Ушбу учрашув Тошкент вақти билан соат 00:00 да бошланади.