"Катта бола" UFC ни тарк этди, навбатдаги манзил...

"Катта бола" янги уй топди. Икки ҳафта олдин UFC оғир вазндаги Робелис Деспейн билан Лас-Вегасдаги "UFC 245" турнирида Остен Лэйнга ютқазганидан сўнг шартномани бекор қилганди. Чунки мазкур натижа спортчининг кетма-кет иккинчи мағлубияти бўлди.

Бугун эса "Karate Combat" ўзининг Instagram саҳифасида Деспейн билан шартнома имзолаганини эълон қилди. 

"Биз Робелис Деспейнни оғир вазн тоифамизга қўшдик ва у "КC 51"да дебют қилади. У ажойиб рекордга эга ва таеквондо бўйича Олимпиада медали совриндори ҳамдир. Хуш келибсиз Робелис, сизни КC да кутиб олишдан хурсандмиз”, - дейилади хабарда.