Кавани нега "Ювентус" ва "Интер"нинг таклифини рад этган эди?

Ёзги трансферлар даврида ПСЖдан МЮга эркин агент сифатида кўчиб ҳужумчи Эдинсон Кавани нега “Интер” ва “Ювентус”дан бўлган таклифларни рад этганини изоҳлади.

“Мен “Наполи”дан бир умр миннатдорман ва шу сабабли “Интер” ва “Ювентус” каби Италия клубларининг таклифларини рад этдим. “Наполи” сабаб бундай қила олмайман. Неаполь ҳақида ўйласам, қувончни ҳис қиламан”, - деди уругвайлик футболчи.

33 ёшли Кавани жорий мавсум “Манчестер Юнайтед” сафида жами 10 та ўйинда майдонга тушди ва ўз ҳисобига 3 та гол ҳамда 1 та голли узатма ёздириб қўйишга эришди.