Kavani o‘rnini yosh yulduzga beradimi?

“Manchester Yunayted” rahbariyati yozda hujumchi olish imkoniyatini o‘rganib chiqmoqda. Birinchi navbatda, manchesterliklar shartnomasi yozda yakunlanadigan Edinson Kavanini tarkibda saqlab qolishga harakat qiladi.

Bir necha klubdan taklif olishi kutilayotgan 34 yoshli urugvaylik hujumchi manchesterliklarning yangi shartnomasini qabul qilmasa, Sulsher hujum chizig‘iga boshqa futbolchini taklif qiladi.

Hozircha, “Manchester Yunayted” Kavanining javobini kutib turibdi. Edinson ketishga qaror qilsa, uning o‘rnini “Ayntraxt”da porlayotgan Andre Silva egallaydi. 25 yoshli portugaliyalik hujumchi joriy mavsumda Bundesliga 20 ta uchrashuvda maydonga tushib, 18 ta gol urdi.