Кавани ПСЖда ушланиб қолиши мумкин

ПСЖ клуби раҳбарияти ёзда шартномаси якунига етадиган уругвайлик ҳужумчи Эдинсон Каванига янги шартнома таклиф қилмоқчи. Бу ҳақда ESPN нашри хабар тарқатмоқда.

Таъкидлаш керакки, дастлаб парижликлар 33 ёшли футболчи билан келишувни узайтирмасликка қарор қилишган эди. Бироқ, ҳозир вазият ўзгарган.

Бундан аввалроқ эса, Кавани “Атлетико” ва “Ньюкасл” клублари билан музокаралар ўтказаётгани ҳақида хабарлар тарқалган эди.

Кавани жорий мавсум Франция чемпионатида 14 та ўйинда майдонга тушди ва 4 та гол ҳамда 2 та голли узатмага муаллифлик қилишга эришди.