Кавани янги жамоа билан шартнома имзолади

ПСЖдаги фаолиятини якунлаганидан кейин эркин агентга айланган Эдинсон Кавани ўзига янги иш жойи топди. Уругвайлик тажрибали ҳужумчи фаолиятини “Бенфика” жамоасида давом эттирадиган бўлди.

Кавани португалияликлар билан имзолаган шартномага кўра, йиллига 9 миллион евро маош олади.

Эдинсон  Кавани 2007-2013 йиллар давомида А Серияда “Палермо” ва “Наполи” жамоалари сафида тўп сурган. Кейинги етти йилни ПСЖда ўтказди. Энди эса, моҳир тўпурар Португалия чемпионатини забт этишга ҳаракат қилади.