Каванига собиқ жамоасидан ажойиб таклиф бўлмоқда

"Наполи" клуби раҳбарияти ПСЖда тўп сураётган ҳужумчи Эдинсон Каванини яна жамоага қайтармоқчи.

Tuttosport нашри тарқатган хабарга кўра, неаполликлар 33 ёшли уругвайлик футболчига 3 йиллик шартнома ва йилига 7 млн евро маош таклиф қилмоқда. Бундан ташқари, у шартномага қўл қўйгани учун яна 7 млн евро бонус олиши мумкин.

Таъкидлаш керакки, Каванининг парижликлар билан амалдаги шартномаси ёзда ўз ниҳоясига етади. Шу боис у “Наполи”га эркин агент сифатида йўл олиши мумкин.

Эдинсон Кавани учун “Наполи” бегона эмас. У 2010-2013 йилларда ушбу жамоа шарафини ҳимоя қилган.

Матнда хатолик топсангиз, ўша хатони белгилаб, бизга жўнатинг (Ctrl + Enter)