Кайл Уокер: “Манчестер Сити”даги сафарим ҳали тўлиқ якунланмаган"

Англиялик тажрибали ҳимоячи Кайл Уокер ўз фаолиятини ҳозирда Италияда давом эттираётган бўлишига қарамай, “Манчестер Сити”га қайтиши мумкинлигини инкор этмади. 

Хабарингиз бор, қишда Уокер “Милан”га мавсум охиригача ижара асосида ўтган эди ва келишувда харид қилиш ҳуқуқи ҳам назарда тутилган.

"Мен хайрлашув сўзларимни айтганимдан сўнг Пеп Гвардиола ўрнидан турди ва жуда илиқ сўзлар билан чиқиш қилди. У менга қилган хизматларим учун миннатдорлик билдирди. Лекин эшитинглар, бу ҳали охири эмас. Мен фақат ижарага кетдим, холос.

Шуни ҳам инобатга олишим керакки, мен қайтишим мумкин. Албатта, мавсум якунлангач, томонлар ўзаро келишувга келишлари керак. Бу саҳифа ҳали ёпилмаган. Келажакда нима бўлишини кўрайлик.

"Сити” мен учун нафақат майдонда, балки майдон ташқарисида ҳам жуда кўп нарса берди. Бу клубни тарк этаётганда, ўзингни қанчалик бахтли бўлганингни тушунасан.

Мен илгари ўйнаган клубларга нисбатан ҳурматсизлик қилмоқчи эмасман. Лекин “Сити”да ўтказган етти йилни бошқа ҳеч қаерда такрорлаб бўлмайди" – дея қўшимча қилди Кайл.