Каземиро "Манчестер Юнайтед"да қолиши мумкин

Каземиро кутилганидек жамоани тарк этмаслиги мумкин.

Аввалроқ бразилиялик ярим ҳимоячи мавсум якунида "Манчестер Юнайтед"ни тарк этиши ҳақида хабарлар тарқалган эди. Бироқ "RTI Esporte" маълумотига кўра, клуб ичида футболчини сақлаб қолиш масаласи муҳокама қилинмоқда.

34 ёшли Каземиро ҳозир ҳам жамоанинг асосий ўйинчиларидан бири бўлиб қолмоқда. У жорий мавсумда 30 та ўйинда иштирок этиб, 7 та гол ва 2 та голли узатмага муаллифлик қилган.

Айни пайтда "Манчестер Юнайтед" Англия Премьер-лигаси жадвалида 3-ўринни эгаллаб турибди.