Каземиро қайси лигага бориши маълум бўлди

“Манчестер Юнайтед”нинг энг машҳур ўйинчиларидан Каземиро жорий чемпионат якунланиши билан клубни тарк этади.

Манчестерликлар катта маош олаётган футболчи билан янги битим тузмаслигини олдиндан  маълум қилган.

Шу боис, бразилиялик юлдуз ўзига бўлаётган таклифларни ўрганиб чиқмоқда. Журналист Сэмюэл Лакхерстнинг маълум қилишича, тажриабил ярим ҳимоячи Европада қолишга қарор қилди.

Футболчига яқин манбалар Каземиро ўз кучини Италия чемпионатида синаб кўришга мойиллик билдирганини таъкидлади.

Каземиро бир неча кун олдин 34 ёшни қарши олди. У “Манчестер Юнайтед”дан олдин Европада “Реал” ва “Порту”да ўйнаган.

Аввалроқ матбуотда Каземиро ҳамкорлик масаласида “Интер Майами” раҳбарлари билан учрашгани ҳақида хабарлар чиққан эди.