Кечаги ўйинда Шомуродов Роналду билан бир хил балл олди!

Кеча Италия А Серияси 30-туридан ўрин олган бир неча учрашув бўлиб ўтди. Улардан бирида биз ўйинларини кузатиб бораётган "Женоа" клуби амалдаги чемпион "Ювентус" майдонига сафар қилди. Якунда мезбонлар 3:1 ҳисобида ғалаба қозонди.

Италия футболини ёритишга ихтисослашган энг машҳур нашрлардан бири "La Gazzetta dello Sport" ушбу беллашувдан кейин, ўз талқинига кўра, футболчиларга қўйилган балларни эълон қилди. Элдор Шомуродов унда 5 баллга лойиқ кўрилди.

Қизиғи, туринликлар юлдузи Криштиану Роналду ҳам айнан шу баҳога эга бўлди. Мазкур учрашувда португалиялик ҳужумчи тўлиқ ҳаракат қилди. Эътиборлиси, ҳамюртимиз 63-дақиқада Горан Пандев ўрнига майдонга туширилганди.

Маълумот учун, генуяликлар турнир жадвалида 13-поғонани банд этган. Легионеримиз ушбу жамоа таркибида ички биринчиликда 3 та гол ва 1 ассистни ўз ҳисобига ёздириб қўйишга муваффақ бўлган.

photo_2021-04-12_12-35-18

Матнда хатолик топсангиз, ўша хатони белгилаб, бизга жўнатинг (Ctrl + Enter)

Фикрлар

Фикр қолдириш учун авторизациядан ўтинг!
&
Турсун Ғани
12/04/2021 21:18
Элдор қўлидан келганича ҳаракат қилаяпти жамоадошлари уни умуман қўллаб қуватламаяпти. Элдор бир неча бор тўпни олиб қўйиб пас берди, юбан жамоадошлари унинг пасини ноаниқ қилиб юве футболчиларига узотди. Элдор қулайроқ пазетсияга бзлса ҳам юбан шериклари бошқа юбанларга ошираяпти. Элдор нима қилсин яна... Шериклари ҳужмни рвожлантиришни ўйламай аҳмоқона қарорлар қабул қилса. Эссиз Растовдаги дўстлари яҳши эди...

Минбар

Барча блоглар