Кескин курашлар остида кечган "Тошкент дербиси"да "Локомотив" ғалаба қозонди

Ўзбекистон Суперлигаси 6-туридан ўрин олган "Локомотив" - "Бунёдкор" учрашуви ўз якунига етди. Унда майдон эгалари 2:1 ҳисобида ғалаба қозонди.

Дастлаб, "темирйўлчилар" Жавоҳир Сидиқов ҳамда Темурхўжа Абдухолиқовнинг голлари эвазига ҳисобни ишончли кўринишга келтирди. Бу аниқ зарбаларга меҳмонлар сафида Одил Абдураҳмонов бир бор жавоб қайтаришга муваффақ бўлди.

Шу тариқа, дербида зафар қучган "Локомотив" очколари сонини 8 тага етказиб олган ҳолда, "Бунёдкор" билан теншлашиб олди.

• 90+6'
  

  Учрашув якунланди. Бу сафар "Локомотив" дербида зафар қучди.

• 90+5'

  Мақсудов шогирдлари катта куч билан олдинга ўтди. Аммо майдон эгалари барча уринишларни бартараф этди.

• 90+4'
  

  Иккинчи қаватдаги тўп учун курашда Тўраев билан тўқнашиб кетган Жалолиддин Жумабоев тиббий ёрдам олди.

• 90+2'

  Аввалига, ҳакам бурчак зарбаси белгилади. Футболчиларнинг жиддий эътирозидан кейин "Локо" дарвозабони тўпни эркин зарба билан ўйинга киритадиган бўлди.

• 90+1'

  Меҳмонлар сўнгги сонияларда катта куч билан олдинга ўтмоқда.

• 90'
  

  Ўйиннинг асосий вақтига 5 дақиқа қўшиб берилди.

• 88'

  "Бунёдкор"нинг босими давом этмоқда. Бу сафар жарима майдонига оширилган тўпни Илёсов муштлари билан уриб юборди.

• 87'

  Жарима майдони ичида тўп Абдураҳмоновнинг қўлига теккандек кўринди. Ҳакам вазиятга ортиқа эътибор қаратмади.

• 85'
  

  Секейра ҳимояни мустаҳкамлаш мақсадида Жавоҳир Сидиқов ўрнига Диего Барданкани майдонга ташлади.

• 84'

  Сўнгги дақиқаларни "қалдирғочлар" олдинги чизиқда ўтказмоқда. "Локо" қарши ҳужумларга таяняпти.

• 82'
  

  Икромов ўйинни анча тезлаштириб юборди. Унинг бу сафарги уринишини ҳам дарвозабон қайтарди.

• 81'
  

  Фаррух Икромовнинг жарима майдони ичидан йўллаган кучли зарбасини Илёсов қайтарди.

• 80'

  Мезбонларнинг ўнг қанотдан уюштирган қарши ҳужуми тўхтатилди.

• 79'
  

  Қаҳрамонов ўрнига Рашидов майдонга тушди.

• 78'
  

  Садриддин Абдуллаев ўз ўрнини Жалолиддин Жумабоевга бўшатиб берди.

• 77'
  

  ГООООООООООООООООООООООООООЛ! Учрашувда ҳисоб қисқарди!

  Одил Абдураҳмоновнинг жарима майдонига узатган паси дарвозага кириб кетди. Илёсов хавфни бартараф эта олмади.

• 75'

  Мухторовнинг узатмасига Абдухолиқов бироз ета олмади.

• 73'
  

  Жамоадоши билан тўқнашиб кетган Илёсовга тиббий ёрдам кўрсатилмоқда.

• 72'

  Сидиқов томонидан жарима майдонига узатилган тўпни дарвозабон эгаллаб олди.

• 72'

  "Локомотив" ҳимояси рақибнинг кетма-кет уринишларини ортиқа қийинчиликсиз бартараф этмоқда.

• 70'

  Ўз жойини ташлаб олдинга чиққан Ягудин рақиби бирга-бир вазиятга чиқиб кетишини олдини олди.

• 69'

  "Бунёдкор" яна голдан кейин фаоллашиб қолди.

• 67'
  

  ГООООООООООООООООООООЛ! Ҳисоб ўзгарди!

  Қанотдан етказиб берилган тўпни Темурхўжа Абдухолиқов дарвозага жойлаб қўйди.

• 66'
  

  Мезбонлар сафида Азизбек Амонов ўз ўрнини Ислом Рашидхоновга, меҳмонлар таркибида Миржаҳон Мираҳмадов ўз ўрнини Шаҳбоз Эркиновга бўшатиб берди.

• 65'

  "Темирйўлчилар" қарши ҳужумда яхши вазият яратди. Абдухолиқовнинг зарбасига аниқлик етишмади.

• 65'
  

  Абдураҳмоновнинг бош билан йўллаган зарбаси ноаниқ кетди.

• 64'

  Жарима майдони ичида ёриб кирган Ғиёсов ҳимоячилар томонидан тўхтатилди. Бурчак зарбаси.

• 62'

  Мираҳмадов жарима майдони ичидан зарба йўллай олмади. Ўйин темпи анча ўсди.

• 61'

  Сидиқов қулай имкониятдан фойдалана олмади.

• 61'

  "Локо" тўп назоратини секин-асталик билан қайтариб олди.

• 59'
  

  Иброҳим Томива ўз ўрнини Фаррух Икромовга бўшатиб берди.

• 59'
  

  Амоновнинг ақлли зарбасидан кейин Ягудин супер сейв билан хавфни бартараф этди.

• 57'

  Мақсудов шогирдлари ўйинга фаоллик қўшди. Уларга гол керак.

• 55'
  

  Иккинчи қаватдаги тўп учун курашда ўзаро тўқнашиб кетган Абдураҳмонов ва Амоновга тиббий ёрдам кўрсатилмоқда.

• 54'

  Жарима майдонига яқин ҳудудда мезбонлар стандарт вазиятга эга бўлди.

• 53'

  Йўлдошевнинг жарима майдони ташқарисидан берган зарбасига аниқлик етишмади.

• 52'

  Абдураҳмонов марказда қоида бузди. Ҳакам ўйинни тўхтатди.

• 50'

  Ҳисобда ортда қолишни бошлаган меҳмонлар фаолликни оширмоқда.

• 48'
  

  ГООООООООООООООООООООЛ! Учрашувда ҳисоб очилди!

  Абдуллаевнинг оҳиста пасидан кейин Сидиқов аниқ зарбаси билан дарвозани ишғол этди.

• 46'
  

  Иккинчи тайм бошланди!

• 45+2'
  

  Танаффус!

• 45+1'

  Рақиб жарима майдони ичида тўп Сидиқовнинг қўлига тегиб кетди. "Локо"нинг бўлимдаги сўнгги ҳужуми бесамар якунланди.

• 45'
  

  Ўйиннинг асосий вақтига 1 дақиқа қўшиб берилди.

• 45'

  Лутфулло Тўраев майдонда ётибди.

• 44'
  

  Темурхўжа Абдухолиқовнинг зарбасидан кейин тўпни Ягудин қайтарди.

• 44'
  

  Муҳаммадодил Қаҳрамоновга тиббий ёрдам кўрсатилди.

• 43'
  

  Рақибига нисбатан жиддий қўполлик ишлатган Ғуломовга сариқ карточка кўрсатилди.

• 41'

  Тўхтасинов ўзининг "пушка" зарбасини йўналтирди. Тўп тўсин юқорисидан ўтиб кетди.

• 39'
  

  Бурчакдан оширилган тўпни уриб юборишда Ягудин хатога йўл қўйди. Унинг бахтига шериклари вазиятни бартараф этди.

• 38'

  "Темирйўлчилар" бурчакдан тўпни ўйинга киритиши лозим. Бироқ жарима майдони ичидаги футболчилар ўзаро келиша олмаяпти. Ҳакам вазиятга аралашди.

• 37'

  Тўп назорати майдон эгаларида. "Бунёдкор" футболчилари прессинг уюштиряпти.

• 35'
  

  Бурчакдан "Локо" жарима майдонига узатилган тўпни Илёсов ушлаб олди

• 34'

  Тезкор қарши ҳужумга ўтаётган Ғиёсов қоида бузиш эвазига тўхтатилди.

• 33'

  Шеригининг узатмасидан кейин тўпга Абдухолиқов бироз ета олмади. Ҳимоячи чаққонроқ ҳаракат қилди.

• 31'

  Мираҳмадов жарима майдони ичида йиқилиб тушди. Ҳакам ҳозирча жим.

• 30'

  Ҳакамнинг қарорига эътироз билдириб, тўпни тепиб юборган Қобилов огоҳлантирилиши мумкин эди. Бироқ ҳакам оғзаки тушунтириш билан чекланди.

• 29'

  Нурилло Тўхтасиновнинг жарима майдони ташқарисида йўллаган зарбасига аниқлик етишмади.

• 28'
  

  "Қалдирғочлар" бурчак зарбасидан наф чиқара олмади.

• 27'

  "Темирйўлчилар" майдон марказида тўпни назорат қиляпти.

• 25'

  Тўхтасиновнинг жарима майдонига оширган кетма-кет узатмалари қайтарилди.

• 24'

  Кичик устунлик мезбонлар томонга ўтди. 

• 22'

  Хуршид Ғиёсовнинг зарбасига аниқлик етишмади.

• 22'
  

  Азизбек Амонов ўйиндан ташқари ҳолатда қолиб кетди.

• 21'
  

  "Локо"нинг икки футболчиси жарима майдони ичида бир-бирига ишониб зарба беришга кечикди. Якунда Амоновнинг уринишидан кейин тўпи дарвозабон эгаллаб олди.

• 20'

  Секейра шогирдлари тартибли ҳимояланмоқда. Ҳужумга ўтаётган мезбонлар катта қийинчиликка дуч келяпти.

• 18'

  "Бунёдкор" футболчилари майдон марказида кичик қўполликлар билан рақиб ҳужумларини бузишга ҳаракат қиляпти.

• 16'

  Сидиқов узатган тўп жамоадошига қадар етиб бормади.

• 14'

  Елкама-елка курашда Қобилов рақибини ўтказмади.

• 13'

  Жарима майдонига ёриб кирган Ғиёсов йиқилиб тушди. Ҳакам ўйинни давом эттиришга рухсат берди. Ҳар эҳтимолга қарши бизда ВАР бор.

• 12'

  Мираҳматовнинг кучли зарбаси ҳимоячидан ўтмади.

• 10'

  "Қалдирғочлар" ҳам ўйинга фаоллик қўшди. Энди тўп фақат мезбонларда турмаяпти.

• 8'

  Мақсудов шогирдлари қисқа узатмаоар биоан рақиб босимидан ўтишга уриняпти.

• 6'

  Туроповнинг жарима майдони ташқарисидан йўллаган зарбаси ноаниқ кетди.

• 5'

  Абдуллаевнинг узоқ масофадан берган зарбасини Ягудин ушлаб олди.

• 3'

  Илк хавфли вазият "Локо"да. Туроповнинг яқин масофадан йўллаган зарбаси устун ёнгинасидан ўтиб кетди.

• 3'

  Мухторовнинг жарима майдонига узатган тўпини ҳимоячилар узоқлаштирди.

• 2'

  Майдон эгалари дастлабки дақиқалардан эрта прессинг уюштирмоқда.

• 1'
  

  Ўйин бошланди!

• 0'

  Футболчилар майдонга тушиб келмоқда. Ўйин бир неча дақиқалар ичида старт олади.