Кетаман, “Барса” мени сиғдирмади!

“Барселона” ҳужумчиси Мартин Брэйтуэйт клубни тарк этишга қарор қилди. Аслида жамоа бош мураббийи Хави Эрнандес анча олдин даниялик футболчига келаси мавсум унга имкон берилмаслигини айтганди.

Бироқ, футболчи мураббийлар штабининг қарори ўзгариб қолишидан умидвор бўлиб, Каталониядан кетмаслигини таъкидлаб келаётган эди.

Клуб раҳбарияти Брэйтуэйтни АҚШга уюштириладиган сафарга таклиф қилмаганидан кейин ҳужумчи кетиши кераклигини тушиниб етди.

Тажрибали ўйинчи ўзига янги жамоа қидира бошлади. Унга “Реал Сосьедад” ва “Брентфорд”дан қизиқиш бўлаётгани айтилмоқда.